Лидерот на Алијансата за иднината на Косово Рамуш Харадинај изјави дека неговата партија ја разгледува можноста за сојуз и соработка со опозициските формации Самоопределување и Демократски сојуз на Косово, додека премирот Хашим Тачи и неговата Демократска партија на Косово се последни на листата на потенцијални сојузници, јавуваат косовските медиуми.
Весниците во Приштина нагласуваат дека Харадинај почнал да го критикива Тачи и сегашната косовска Влада дури откако Тачи одби да му ја отстапи премиерската функција.
Косовскиот вицепремиер и лидер на Алијансата за ново Косово Беџет Пацоли од своја страна му се закани на премиерот Хашим Тачи дека ќе ја напушти Владата, доколку не го промени коалицискиот договор и неговата партија не добие најмалку уште едно министерство.