Обвинителството на Меѓународинот трибунал за воени злосторства во поранешна Југославија побара казна од 20 години затвор за поранешниот премиер на Косово Рамуш Харадинај, суден за воени злосторства извршени во 1998 година, пренесоа француските медиуми.
Поранешниот лидер на Армијата за ослободување на Косово и поранешен премиер Рамуш Харадинај, кој минатиот мерсец привремено беше пуштен на слобода, во саботата се врати во Хаг, каде денеска и утре обвинителството и одбраната ќе ги имаат завршните зборови во процесот што се води против него.
Предвидено е по завршните зборови во рок од два месеца судскиот совет да ја донесе конечната пресуда за делото против Харадинај и други двајца судени.