Група луѓе денеска ги зазеле просториите на партијата Сириза во Ханија, на островот Крит, барајќи укинување на строго чуваните затвори и изразувајќи поддршка за затворениците кои почнале штрајк со глад.
Тие, исто така, поставиле транспарент на кој напишале: „Солидарност со штрајкувачите со глад“.
Во меѓувреме, анархистичка група утринава го зазела Правниот факултет во центарот на Атина, барајќи ослободување на осудениот терорист Савас Хирос, укинување на затворот со максимална безбедност и законот против тероризмот, јави АНА МПА.
Според сведочење на очевидци, околу 20 лица утринава околу 8 часот ја зазеле зградата и на луѓето кои биле во неа им наредиле да си заминат.