Министерството за внатрешни работи информира дека граничните полицајци денес биле контактирани од грчките колеги кои усно им соопштиле дека од утре од 6 часот грчката царинска управа ќе стапи во штрајк.
Според информациите истиот ќе трае до сабота до 6 часот.
Во таква ситуација, на сите три гранични премина (ГП “Богородица“, ГП “Стар Дојран“ и ГП “Меџитлија“) би се пропуштале само итни случаи.
МВР е во очекување и на писмена потврда на најавата за штрајк и блокада на граничните премини кон соседна Грција.