По поднесениот финален текст на уставните амандмани усвоени од македонската Влада, грчки владини извори коментираат дека промената во членот 49 параграф 3, и воведувањето на формулацијата „дијаспора“ како што е во членот 108 на грчкиот устав, „одговараат на духот и текстот на Договорот од Преспа, чиј тек за спроведување, продолжува“.
Истите извори додаваат дека изјавите на македонскиот премиер, очигледно е дека биле за внатрешни цели за да обезбеди поддршка за договорот, но „останува неговата посветеност на Договорот од Преспа“.
-Ова исто така покажува дека договорот содржи ефективни мерки на заштита, кои во комбинација со интервенциите од грчка страна, но и од меѓународната заедница, не оставаат простор за какво било погрешно толкување, коментираат грчки владини извори, пренесе МИА.