Раст на издадените дозволи за користење оружје се бележи во Грција во минатата година, објави грчкиот весник „Катимерини“. Податоците на полицијата покажуваат дека во 2012 година се издадени 52.622 нови дозволи.
Во споредба со 2011 година зголемувањето е 15,5 отсто.
Според експерти, бројот на одобренија за ловечко оружје е над еден милион.
Дозволите за поседување пиштоли се околу 5.000.
Од јануари до ноември грчката полиција конфискувала 2.190 парчиња оружје.
Минатата седмица министерот за јавен редн Никос Дендиас изјави пред Парламентот дека од 2008 година досега барањата за оружје со цел лична заштита се зголемиле за 48 отсто.