Грчкиот оддел за борба против електронски криминал денеска приведе 52-годишна учителка поради обвиненија за детска порнографија, наведува весникот „Катимерини“.
Според извори на весникот полицијата ја открила жената, учителка по странски јазици во приватно училиште, по информации од холандска новинарка, чија истрага за познат холандски педофил ја донела до грчката учителка.
Претставувајќи се како педофил, Холанѓанката ја посетила Грција и се сретнала со 52-годишната учителка, пред да ги алармира властите.
При претресот на домот на учителката се откриени 34 списанија, кои содржат снимки на деца подложени на сексуална злоупотреба и бележник со податоци за педофилска организација во Грција сo имиња на наводни нејзини членови.
Таа е првата жена во Грција, обвинета за поврзаност со детска порнографија.