Министерот за јавни инвестиции и претседател на Извршниот одбор на СНС, Дарко Глишиќ, му се влоши здравствената состоба додека гостуваше во утринска програма. Глишиќ не можеше да го заврши своето гостување, па програмата беше прекината.
Тој беше однесен во болница, каде што пристигна и српскиот претседател Александар Вучиќ.
Според медиумските извештаи, Глишиќ доживеал мозочен удар и е во сериозна состојба, лекарите се борат за неговиот живот.
Дарко Глишиќ е најлојалниот и најблизок соработник на српскиот претседател Александар Вучиќ.
Според последните информации, Глишиќ бил опериран и префрлен во шок-собата, а следните 24 часа се клучни.
Претходно, главниот уредник на Информер, Драган Ј. Вучиќевиќ, изјави дека состојбата на Глишиќ е сериозна.
„Ги добивме најновите информации за состојбата на Дарко Глишиќ. Операцијата е во тек, министерот Глишиќ е стабилен, но сè уште нема прогнози, неговата состојба е многу сериозна, неговиот живот е во опасност, во тек е хируршка интервенција. Згрутчување на крвта му го блокирало крвниот сад што води до мозокот. Многу е тешко да се даде каква било прогноза во вакви ситуации“, рече Вучиќевиќ.