Новак Ѓоковиќ синоќа на социјалната мрежа Х објави дека е важно да се слушне гласот на студентите кои протестираат во Србија. Блокадите на сите факултети во Белград, Ниш и Нови Сад траат со денови, а студентите не се откажуваат од барањето да се казнат одговорните за трагедијата во Нови Сад, каде што 15 лица загинаа при падот на настрешницата кај железничката станица.
Многу познати личности им дадоа поддршка на студентите, а синоќа Ѓоковиќ изјави дека е со нив.
Као неко ко дубоко верује у снагу младих људи и њихову жељу за бољом будућношћу,сматрам да је важно да се њихов глас чује.
Србија има огроман потенцијал а образована омладина је њена највећа снага.
Оно што је свима нама потребно је разумевање и поштовање. Уз вас,Новак.
— Novak Djokovic (@DjokerNole) December 18, 2024
„Како некој кој длабоко верува во силата на младите и нивната желба за подобра иднина, мислам дека е важно нивниот глас да се слушне. Србија има огромен потенцијал, а образованата младина е нејзината најголема сила. Она што на сите ни треба е разбирање и почит. Со вас, Новак“, напиша Ѓоковиќ на социјалните мрежи.
Блокадите на факултетите почнаа на 25 ноември во Нови Сад, а на протестите почнаа да се приклучуваат и средношколци.