Францускиот претседател Емануел Макрон пристигна во Белград во дводневна посета на Србија, при што со претседателот Александар Вучиќ ќе разговара за повеќе важни теми.
Претседателот Вучиќ со највисоки државни почести го пречека Макрон на аеродромот Никола Тесла.
Пред палатата „Србија“ со воени почести од 18.30 часот ќе следи церемонија за пречек.
Средбата меѓу претседателот Александар Вучиќ и Емануел Макрон ќе се одржи во 18 часот и 45 минути, по што од 19 часот и 40 минути ќе следи церемонијата на размена на потпишани билатерални документи во присуство на двајцата претседатели во салата на Југославија во „Палата на Србија“.
Двајцата претседатели ќе се обратат пред медиумите во 19:45 часот.
На вториот ден од посетата, Макрон ќе замине за Нови Сад, каде во 10:30 часот ќе ја посети галеријата Матица Српска и ќе ги разгледа новите инсталации. Од 11:15 часот се очекува претседателот Вучиќ и претседателот Макрон да се обратат на Форумот за млади и вештачка интелигенција во компанијата „InGrid-Schneider Electric LLC“ во Нови Сад.
Според програмата, како што соопштија од Службата за соработка со медиуми на Претседателот на Републиката Србија, на вториот ден од посетата, од 15 часот и 30 минути, ќе се изврши свечено откривање на плочата по повод завршувањето на работите на модернизацијата на аеродромот „Никола Тесла“ во Белград и обраќање на двајцата претседатели.