Знаме на терористичката организација ИСИС е забележано на куќа во село Горња Маоча во околина на Брчко во БиХ, пренесе српски „Курир“.
Ова е прв пат симболот на екстремистичката организација да биде закачено на куќа чиј што сопственик се уште не е познат.
Како што сведочи фотографијата на прозорците има уште две знамиња со обележја на Исламска држава, а на фасадата се исцртани уште симболи на оваа терористичка организација.
Како што пренесе весникот и на други објекти во истото село се забележани обележја на ИСИС и не е познато дали некоја институција реагирала, бидејќи никој официјално се уште не се огласил.
Инаку според наводите Горња Маоча е седиште на вехабиски заедници, а босанските медиуми пренесуваат дека нејзините жители речиси една деценија се под истрага на полициски и разузнавачки агенции поради сомнеж дека се поврзани со тероризам.
Е. Г.