Комесарот за проширување на Европската Унија Штефан Фуле за време на неговата посета на Тирана побара од премиерот Сали Бериша и од лидерот на опозицијата Еди Рама организирање на фер и демократски избори, пренесе Макфакс.
На средбите со Бериша и Рама, Фуле побарал надминување на политичките проблеми меѓу власта и опозицијата во однос на организирањето на парламентарните избори во јуни годинава.
Партиски извори на демократите и социјалистите наведуваат дека Филе особено ја нагласил потребата и за зголемување на политичкиот дијалог во земјата со цел да се усвојат и трите реформски закони од страна на Парламентот заради што е закочена албанската интеграција во ЕУ.
Бериша нагласил дека активностите ги блокира опозицијата, додека Рама побарал гаранции за да нема манипулации на изборите во јуни.