Исламскиот проповедник Фетхулах Ѓулен се обидува да добие политички азил во Јужна Афтиканска Република (ЈАР), во случај да биде екстрадиран од САД на барање на Турција, јави турскиот портал „Ворлд булитин“.
Порталот наведува дека Ѓулен бара од невладини организации во ЈАР да побараат од претседателот Џејкоб Зума да му даде политички азил.
– Лидерот на движењето „Хизмет“ (Служба) сака да добие политичлки азил во африканската држаа, ако Анкара побара екстрадикција или ако биде обвинет за обвиненијата кои се покренати против него во Турција, пишува „Ворлд булитин“.
Турскиот премиер Реџеп Таип Ердоган во март изјави дека во телефонски разговор со американскиот претседател Барак Обама побарал Ѓулен да биде екстрадиран од САД, под обвинение дека претставува закана за националната безбедност во Турција.
Ѓулен е во егзил во САД од 1999 година.
Ердоган смета дека истрагата за корупција, која почна на 17 декември минатата година, е заговор против него, а е раководека од Ѓулен, кој е поранешен соработник на турскиот премиер.