Нова програма за подобрување на пристапот до живеалишта, образование и работни места за Ромите, ќе биде претставена утре во Романија, пишува весникот „Романија либера“, повикувајќи се на коминике на Советот на Европа.
Програмата РОМАKТ (ROMACT) ќе дејствува една година во Унгарија, Бугарија, Романија, Италија и Словачка. Таа ќе биде насочена врз капацитетот и политичката волја на локалните и регионалните власти да развиваат и применуваат стратегии и политики за социјално вклучување на Ромите, се посочува во соопштение на Советот на Европа.
РОМАЦТ е заедничка иницијатива на Советот на Европа, Европската комисија и европските градови и региони.