Крајната цел на дијалогот, кој под покровителство на ЕУ се одржува меѓу Белград и Приштина, е стабилен и безбеден Балкан, со перспектива еден ден да се приклучи во Унијата. На следниот состанок на 17 јануари ќе се разговара и за северниот дел на Косово, најави високата претставничка на ЕУ за надворешна политика и безбедност Кетрин Ештон.
Таа во интервју за весникот „Вечерње новости“ изјави дека во продолжение на преговорите двете страни ќе можат да сугерираат со кои теми и проблеми сакаат да се занимаваат, но дека на состанокот на 17 јануари ќе биде прегледан остварениот напредок, посебно по прашањето за интегрирано управување со премините, како и за северниот дел на Косово.
Ештон истакна дека не е изненадена од напредокот на дијалогот меѓу Србија и Косово, дека е задоволна од првите конкретни резултати, но постојат уште многу работи кои треба да се направат.