Високиот претставник за надворешна и безбедносна политика на ЕУ Кетрин Ештон разговараше денеска во Брисел со косовскиот премиер Хашим Тачи за напредокот на Косово кон Европската унија и неопходноста од продолжувањето на дијалогот меѓу Белград и Приштина, се наведува во соопштението од нејзиниот кабинет.
„Високата претставничка нагласи дека е важно обете страни во целост да ги спроведуваат сите договори постигнати во дијалогот. Таа истакна и дека штом биде формирана новата влада во Белград, разговорите треба веднаш да продолжат, се наведува во соопштението.
Ештон со тачи се сретна во размки на нивните редовни средби за информирање за напредокот на Косово и неговата европска агенда. На средбата соговорниците заклучиле дека Косово „во текот на изминатата година направил значаен напред“ и оти заедно ќе продолжат да работат на унапредување на косовската перспектива кон ЕУ.