Турскиот премиер Реџеп Таип Ердоган денеска изјави дека нема да дозволи собири по повод 1 мај на истанбулскиот плоштад Таксим.
Ердоган им порача на потенцијалните учесници „да се откажат од своите надежи поврзани со Таксим“ и од борба против државата. Тој апелираше да не се нарушува мирот на населението, кое не сака на улиците да доминираат камења и молотови коктели.
Турскиот премиер им предложи и други места за собирање на 1 мај, понудувајќи им и бесплатен провоз.
Левичарските синдикати најавија дека ќе ја игнорираат забраната за собирање на Таксим. Во понеделникот полицијата употреби солзавец врз членовите на организацијата Комитет 1 мај, во која членуваат претставници на синдикатот и на невладините организации, за да ги спречат да издадат соопштение за демонстрациите што се планирани на 1 мај на Таксим.