Турскиот претседател Реџеп Тајип Ердоган денеска изјави дека земјата брзо се движи кон одржување на вонредни избори, бидејќи обидите да се формира влада беа неуспешни.
– Повторно одиме кон избори, истакна Ердоган во телевизиско обраќање, додавајќи дека „единствено решение за излез од политичкиот застој е вртење кон волјата на народот“.
Тој денеска ќе го консултира Парламентот за формирање на владата.
Партијата на правдата и развојот на изборите кои се одржаа на 7 јуни првпат од 2002 година го губи мнозинството, поради што беше принудена да бара коалициски партнер за состав на влада.