Турскиот претседател Реџеп Таип Ердоган денеска изјави дека ќе продолжи офанзивата против бунтовниците од Курдската работничка партија (ПКК) се додека „не остане ниту еден терорист“.
– Ние ќе ја продолжиме нашата борба додека не го положат оружјето и не остане еден терорист во нашите граници, истакна Ердоган, додавајќи оти воздушните напади на турската армија врз позиции на ПКК нанеле „сериозни загуби“ на групата.
Тој посочи и дека се преземени „ефикасни операции“ против Исламска држава.
– Ние не правиме разлика меѓу терористичките организации. Каква и да е нивната цел, една терористичка организација за нас е терористичка органзиација, наведе турскиот претседател.