Турскиот претседател Реџеп Тајип Ердоган денеска вети дека ќе продолжи европските држави да ги нарекува „нацистички потомци и фашисти“, доколу тие продолжат со „сегашниот однос кон Турција“, пренесоа британските медиуми.
-Тие на моите министри не им дозволуваат да држат говори во Европа (…) Откако ќе заврши референдумот, на 16 април, ние ќе го земеме тоа предвид, се си има своја цена, изјави Ердоган во градот Зонгулдак, на митинг од неговата кампања за референдумот за уставни измени.
Во рамки на оваа кампања Ердоган веќе неколку пати се нафрли врз европските држави, меѓу кои и Германија, обвинувајќи ги за тактики од „нацизмот“, пред се, заради забраните кои им беа наметнати на турските министри да зборуваат на митинзи пред турските гласачи во странство, забележуваат британските медиуми.