Турскиот претседател Реџеп Таип Ердоган изјави денеска дека Америка во 12-от век ја откриле муслиманите, речиси три века пред Кристофер Колумбо.
– Контактите меѓу Латинска Америка и исламот датираат од 12-от век. Муслиманите ја откриле Америка во 1178 година, рече Ердоган во говорот за време на самитот на муслиманските лидери од Латинска Америка во Истанбул.
– Муслиманските морепловци стигнале во Америка во 1178 година. Колумбо споменува постоење на џамија на едно брдо на кубанскиот брег, рече тој и додаде дека би сакал да разговара со „кубанските браќа за изградба на џамија на тоа место“.
Историските книги пишуваат дека 1492 година беше првиот странец кој стапна на американско тло на својот пат до Индија.
Муслимански историчари и теолози неодамна го доведоа во прашање тоа откритие, тврдејќи дека пред Колумбо стигнале муслимани, иако не постои ниту една откриена трага на нивното присуство.
Историчарот Јусуф Мруех објави во 1996 година напис во кој наведува дека Колумбо споменувал џамија на Куба.
Негови колеги веднаш ги отфрлија тие хипотези, тврдејќи дека „џамијата“ бил опис на Колумбо за пејзажот кој првпат го гледа.