Утринава експлодирала рачно направена бомба пред Националната банка на Грција во Атина, соопшти полицијата.
Повредени нема. Направена е материјална штета, биле искршени неколку прозорци на банката и оштетени четири автомобили.
Засега никој не ја презел одговорноста за експлозијата.
„ Веруваме дека експлозијата е поврзана со тероризам“, изјави неименуван претставник на полицијата, дополнувајќи дека немало повредени,
Бомбата, со средна моќност, била поставена под банкомат, а на експлозијата не и претходел телефонски повик за предупредување.
Ваквите напади зачестија во последниве години, откако земјата западна во рецесија.Досега најголемиот број напади го извршуваа анархистички групи.