Египетскиот потпретседател Пакинам Хасан Калил Ел Шаркави денеска пристигна во посета на Приштина, каде најави дека неговата земја наскоро ќе ја признае независноста на Косово.
За време на посетата тој оствари средба со претседателот на косовскиот Парламент Јакуп Красниќи. На состанокот станало збор за унапредување и интензивирање на билатералните односи меѓу Египет и Косово.
Ел Шаркави истакна дека политичките реформи и демократизацијата на Египет позитивно влијаеле врз односот на оваа земја кон Балканот и Косово.
„Египетското признавање на косовската независност ќе ги поттикне и другите земји, кои се уште не го направиле тоа, да ја признаат оваа држава. Тоа ќе го забрза приемот на Косово во ОН“, изјави Красниќи.
Тој, потсети на историските врски меѓу албанскиот и египетскиот народ, нагласувајќи дека взаемните посети на официјални претставници ќе ги зајакне добрите односи.