Бројот на илегални имигранти приведени лани во Бугарија е за 44 отсто помал од оној во 2013 година, соопшти денеска бугарското Министерство за внатрешни работи.
Како што јави БТА, според податоците на Генералната дирекција на бугарската Гранична полиција, лани во Бугарија биле приведени 6.499 илегални имигранти. Најголемиот број од нив потекнуваат од земјите зафатени со конфликти од Блискиот Исток и Централна Азија.
Најголем број од илегалните имигранити, односно 6.023, биле приведени во реонот на бугарско-турската граница.
Од вкупниот број приведени имигранти, 3.781 потекнуваат од Сирија, 1.370 од Авганистан, 355 од Ирак и 102 од Турција.