Во семејна куќа во населбата Молуха во Тузла утрово била активирана експлозивна направа, а според првичните информации лицето што ја активира експлозивната направа е мртво.
Сепак, полицијата се уште не може да се приближи до телото поради сомневањата дека на местото на настанот има повеќе уреди за експозиција.
Истрагата се уште не е започната.
Од друга страна, во експлозијата едно лице е повредено и пренесено во Универзитетскиот клинички центар во Тузла.
„Пациентот со иницијали Е.О. е хоспитализиран на Одделот за интензивна нега на Клиниката за анестезиологија и реанимација на Медицинскиот центар во Тузла, со повеќе повреди на екстремитетите, а во тек е подготовка за операција“, изјави портпаролката на Медицинскиот центар во Тузла, Ерсија Ашчериќ-Мујединовиќ.
Кантоналната полиција соопшти дека лекар ќе пристапи до телото на жртвата кога ќе се исполнат условите и ќе се спроведе истрага.