Милорад Додик откри дека влијателни луѓе од одредени европски земји му нуделе сместување доколку мора да избега од Босна и Херцеговина во екот на уставната криза и потерниците, пишува „Дневни аваз“.
– Добив понуда од некои моќни европски луѓе кои ми рекоа дека немаат ништо против јас да одам и да живеам слободно во Унгарија, Русија, Србија, каде што сакам – откри лидерот на босанските Срби.
Додик во последно време е во фокусот на европската јавност поради кризата во Босна и Херцеговина. На крајот на февруари тој беше судски осуден на една година затвор и шест години забрана за вршење политичка функција поради носење незаконити закони.
По Додик беше распишана потерница на територијата на Босна и Херцеговина, а Сараево побара потерницата да ја распише и Интерпол, што тие го одбија.
Додик ја напушти БиХ откако беше покренат налогот за апсење.
Прво бил во Израел, а потоа отишол во Москва да го посети Путин, кој чува многубројни бегалци како Асад, но и семејството на покојниот Слободан Милошевиќ.