Претседателот на Република Српска, Милорад Додик, истакна дека не верува оти германската министерка за Европа и климатски прашања – Ана Лирман е толку наивна што по сите лаги и навреди кои ги изрече, само за да и се допадне на сараевската чаршија, очекувала дека нејзините активности во Република Српска ќе бидат молчеливи.
– Таа замина. Не ми се верува дека е толку наивна што по сите лаги и навреди што ги изрече, само за да и угоди на сараевската чаршија, очекуваше немо да ги набљудуваме нејзините постапки во Република Српска. Во дилема сум дали е нејзина интелигенција или се водеше од интелигенцијата на опозицијата. И двете се глупави – вели Додик во објава на социјалната мрежа Х.
Отишла је.
Не могу да вјерујем да је толико наивна да је послије свих лажи и увреда које је изрекла, само да би задовољила сарајевску чаршију, очекивала да ћемо нијемо посматрати њено вршљање по Републици Српској.У дилеми сам да ли је то њена памет или се водила памећу…
— Милорад Додик (@MiloradDodik) April 4, 2025
Ова доаѓа откако германската министерка за Европа и климатски прашања Ана Лирман требаше да одржи средба во Бања Лука со претставници на Партијата за демократски напредок (ПДП), па истата беше откажана во последен момент.
Како што изјави за Klix.ba потпретседателот на ПДП, Игор Црнадак, средбата во Бања Лука не се одржала бидејќи Владата на РС ја прогласила министерката за персона нон грата и таа ја напушта земјата.