Во напад со нож од страна на нејзиниот син, 14-годишен тинејџер, денеска во белградското предградие Раковица беше повредена 52-годишна жена, јавуваат медиумите.
Инцидентот се случил во семејниот стан, а на момчето, според полицијата, пред нападот наводно му се расипал компјутерот, по што го побарал таблетот што го имала неговата сестра.
Кога таа не му го дала уредот, тој револтиран се обидел да ги избрка мајката и сестрата од станот, велат од полицијата.
Во еден момент, детето со нож ја повредило мајка си во раката, по што побегнало од станот, а жената била префрлена во болница.
Полицијата брзо реагирала и го привела момчето, кое според зборовите на мајката, било лечено поради психијатриски проблеми.