Турските власти имаат намера да му дадат поддршка на туристичкиот бизнис со државно кредитирање и дотации за авиопревозници заради економските проблеми на Русија и некои други држави, изјави денеска турскиот премиер Ахмет Давутоглу.
– Турција лани беше посетена од 40 милиони туристи и во план е таа бројка да биде зголемена до 50 милиони. Оваа година можно е да имаме проблеми поврзани со последиците од економските кризи во Русија и Иран како и други држави, рече Давутоглу.
Тој додаде дека владата реагирала откако добиле информации за откажување резервации.
Давутоглу појасни дека Владата ќе обезбеди дотации од 6.000 долари за плаќаање гориво за секој авион кој пристигнува од тие држави.
Поддршка ќе има и за туроператори со поволни кредити и оти долгови на туристички фирми ќе бидат замрзнати.
Најмногу туристи во државата пристигнуваат од Германија и Русија.