Турскиот премиер Ахмет Давутоглу денеска изјави дека Турција ги поддржува Палестинците во напорите да се спротивстават на „израелските обиди за намалување на исламскиот карактер на Ерусалим“.
Давутоглу тоа го изјави во турскиот град Кона, ден по средбата со шефот во егзил на „Хамас“ Халаед Мешаал.
Протести, проследени со насилство, го принудија Израел во ноември на кратко да го ограничи пристапот на муслимани до Ерусалим, каде се наоѓа џамијата Ал Акса, трето најсвето место за муслиманите.
Турција нема да прифати измами, што се однесуваат на Ал Акса и ќе направи се што треба да се направи на меѓународен план за да го заштити Ерусалим и џамијата Ал Акса, изјави Давутоглу.
Турција е силен поддржувач на Палестинците. Односите меѓу Израел и Турција се влошија во 2010 година при напад на израелски командоси врз брод со хуманитарна помош за Газа, при што загинаа девет турски државјани.