Турскиот премиер и лидер на Партијата на правдата и развојот Ахмет Давутоглу објави денеска неуспех на преговорите со опозицијата за составување коалициска влада, истакнувајќи оти предвремени избори се многу веројатни.
– Ние не успеавме да обезбедиме поволна основа за составување влада, рече Давутоглу во Анкара по последната средба со лидерот на Народнорепубликанската партија Кемал Калачдаролгу.
НРП е единствената формација, која ја остави отворена можноста за коалиција со Партијата на правдата и развојот.
– Денес избори се многу веројатни, рече Давутоглу. Тој истакна дека тоа е „единствената опција“ за земјата и истакна дека турското јавно мислење е подготвено за таа веројатност.
Предвремени избори најмногу од полза ќе бидат за АКП, истакна Давутоглу, чија партија, која управува со Турција од 2002, го изгуби парламентарното мнозинство на изборите на 7 јуни.