Германското антиисламско движење Пегида е како групата „Исламска држава“ во своите „средновековни“ ксенофобски погледи, изјави турскиот премиер Ахмет Давутоглу во изјава за германски медиуми, јави ДПА.
– Кога терористичките групи во Мосул разурнуваа цркви, тие велеа дека Мосум е исламски град, и е само за муслимани, рече Давутоглу за германскиот весник „Франкфуртер алгемајне цајтунг“, зборувајќи за ирачкиот град Мосул, кој е под контрола на борците на „Исламска држава“ од јуни.
– Тоа е истата логика, користена од Пегида, која вели дека Германија припаѓа само на христијаните, рече тој. „Тоа е апсолутно средновековен менталитет“.
Давутоглу додаде дека Турција е „многу вознемирена во врска со Пегида“ и желбата на движењето за „исклучително христијанско германско општество“.
– Тоа не е само закана кон Турците и муслиманите, но исто и закана за самата Германија, рече тој.
Во обраќање пред турскиот Парламент денеска во Анкара Давутоглу се обрати кон муслиманите во Европа: „Вие не сте сами, Турција е тука да ве заштити“.
Давутоглу се сретна со германската канцеларка Ангела Меркел за време на посетата на Берлин вчера.