Турскиот премиер Ахмед Давутоглу и лидерот на главната опозициска Репубиканска народна партија (ЦХП), Кемал Калачдароглу синоќа разговараа четири и пол часа за клучните прашања за составување на коалициска влада, но не успеаја да постигнат договор, јави БТА.
Тускиот министер за туризам и култура Јомер Челик, кој во владејачката Партија на правдата и развојот (АКП) е одговорен за преговорите, изјави дека двајцата лидери се договориле повторно да се сретнат кон крајот на оваа недела, во четврток или петок.
Челик напомена дека тогаш ќе биде познато дали двете партии ќе се договорат за формирање на коалициска влада или ќе се оди на нови избори.
Заменик-претседателот на ЦХП Халок Коч потврди дека двајцата лидери се договориле да се сретнат повторно кон крајот на неделата.