Србија нема да го признае Косово никогаш.Сигурноста на србите на Косово мора да е осигурана. Подготвени сме на соработка со сите земји за демократија и развој.
Се залагаме за безбедност и стабилност, сите отворени прашања на Балканот мора да се решат на мирен начин. Да престанеме да се враќаме назад, да работиме за иднината“, рече во своето експозе мандатарот за новата српска Влада, Ивица Дачиќ.
Тој рече дека основна цел на новата влада е да ги зацврсти темелите на Србија, и дека во остварување на таа цел ќе ги собере и обедини најголемите умови.
Вети дека ќе се обеди да ја победи апатијата и дека ќе обезбеди подобра иднина, дека нема да се навраќа на поделбите, ниту на актуелните, ниту на оние од пред 20 години.
Како една од основните задачи ја истакна борбата против „белата куга“ и подигање на наталитетот и борба против корупцијата.