Премиерот на Србија, Ивица Дачиќ денес изјави дека Србија е подготвена да го продолжи дијалогот за пронаоѓање на решение, но се уште нема новости за тоа.
-Немавме контакт во смисла за понатамошните чекори на Европската комисија или Европската унија – изјави Дачиќ по состанокот со министерот за надворешни работи на Белгија, Дидије Рејндерс.
Дачиќ истакна дека по враќањето од посетата во Русија каде што патува утре е подготвен да ги продолжи преговорите за прашањето за безбедност на Србите на Косово и за изборот за лица за полиција и правосудство, како и разговорот за тоа дали ќе има апелациски суд за заедницата на српските општини на Косово.
Елена Георгиевска