Вицепремиерот и министер за внатрешни работи на Србија, Ивица Дачиќ изјави дека полицијата по наредба на Првото основно јавно обвинителство во Белград, го пронајде и уапси напаѓачот на министерот Никола Селаковиќ во неговиот стан.
– Припадниците на Управата за криминалистичка полиција, Службата за сузбивање на криминал, по наредба на Првото основно јавно обвинителство во Белград, во неговиот стан го пронашле и го уапсиле напаѓачот на министерот Никола Селаковиќ, М.Т.(40) од Белград, поради постоење основи на сомнение дека сторил кривично дело загрозување на безбедноста. Облеката што ја носел во таа прилика е пронајдена во неговиот стан, кој е во близина на местото каде синоќа беше нападнат министерот Селаковиќ. На осомничениот ќе му биде одреден притвор до 48 часа и со кривична пријава ќе биде изведен во надлежното обвинителство, изјави министерот Дачиќ.