Седницата на Парламентот на Србија, на која што пратениците посавуваа прашања на владата, помина во расправија за Косово, а премиерот Ивица Дачиќ порача дека се неизвесни резултатите од преговорите во Брисел и дека нема да има вонредни избори.
На крајот на седницата Дачиќ на пратениците им порача дека владата направила се што може за да дојде до позитивно решение и дека Србија ќе го продолжи патот кон евро-интеграциите, но предупреди дека крајот на преговорите не зависи од Србија.
Премиерот на Србија напомена дека помеѓу него и првиот потпретседател на владата, Александар Вучиќ постои единство.
-Тешко дека која било друга влада би можела да направи повеќе од нас – оцени Дачиќ и истакна дека Србија е подготвена за компромис, но не и за омаловажување.
Елена Георгиевска