На границата меѓу Црна Гора и Косово припадниците на Специјалните антитерористички единици во вторник поставија митралерски гнезда, поради страв од евентуални конфликти, потврдија тамошните безбедносни служби.
Според сознанијата на српски Вести, на 23 август триесетина припадници на САЈ вооружени со долги цевки, го преминале пограничното подрачје.
Извор од безбедносни кругови вели дека биле предводени од командантот Мирко Бановиќ и неговиот заменик Милан Ковачевиќ по целодневниот престој во пограничниот појас по што се вратиле во Подгорица.
Одлуката да се стави под контрола пограничниот појас е донесена на највисоко државно ниво, откако безбедносните служби информирале дека е можна ескалација на немири кои на територијата на Косово ја предизвиуваат противниците на договорот за разграничување со Црна Гора.
По турнејата направен е план, по кој во случај на потреба на САЈ и Посебната единица на полицијата, ќе се стационираат на границата со Косово.