Најмалку четири лица го загубија животот, а стотици се евакуирани поради силните поплави предизвикани од поројните дождови на југоистокот на Романија, изјави денеска романскиот министер за внатрешни работи Габриел Опреа.
– Без оглед на сите напори на спасувачите, поплавите го однесоа животот на четворица граѓани, рече тој, наведувајќи оти има и граѓани кои се водат како исчезнати.
Меѓу жртвите е и едно 13-годишно дете кое се обидело со чамец заедно со возрасните да се спаси од надојдените води.
Најголема штета е предизвикана на истокот на Романија во Олта и Прахова, градо Бурзау и округот Телеорман, а 86 населби во текот на последните 24 часа се евакуирани.