Министерот на Косовските безбедносни сили Агим Чеку денеска изјави дека очекува оваа полициска формација следната година да добие статус на воени сили.
Чеку, на прес конференција, изрази уверување дека по разгледувањето на стратегијата за национална безбедност, во јуни 2013 година ќе биде усвоен заклучок дека Косовските безбедносни сили ќе прераснат во војска.
Претставувајќи ја работата на своето министерство во текот на 2012 година Чеку изјави дека очекува следната година да биде „година на косовската војска“.