Претседателот на Либерално демократската партија, Чедомир Јовановиќ денес изјави дека се залага за постигнување договор со Приштина, бидејќи со тоа ќе се овозможи долгорочен мир во регионот, а на Српската напредна партија и порача дека треба да и биде поважен редот во државата од оној во партијата.
Јовановиќ по состанокот со премиерот Ивица Дачиќ за дијалогот помеѓу Белград и Приштина изјави дека од СНП очекува да размислат за иднината и ја преземат тежината на проблемот кој го прати нивното политичко дејствување и додаде дека Косово денес е соседна држава и дека тоа е реалноста.
-Не сум среќен поради тоа, но така велам бидејќи не сакам ново Косово внатре во Србија –истакна тој.
Тој на власта и порача да го преземе товарот на одговорноста и доколку треба да ги изгубат своите функции.
Лидерот на ЛДП, нагласи дека нема разбирање ни за претседателот Николиќ, бидејќи знаел за проблемите кои го очекуваат уште од времето кога е избран, ниту за соопштението на Српската православна црква на која и порача дека својот став не можела да го потпише во име на своите верници.
Елена Георгиевска