Можно е Турција од март да почне да ги обучува и опремува умерените сириски опозициски бунтовници, изјави денеска турскиот министер за надворешни работи Мевљуд Чавушоглу, цитиран од британските медиуми.
Американскиот Стејт департмент во октомври соопшти дека Турција се согласила да ја поддржи програмата за обука на умерените сириски сили, како дел од стратегијата на претседателот Барак Обама за борба против џихадистичката група Исламска држава.