Турција е одлучна во намерите да го спречи дејствувањето на Курдската работничка партија (ПКК) во странство, изјави турскиот министер за надворешни работи Мевљут Чавушоглу.
– Турција ќе продолжи да ги презема потребните чекори за да го спречи дејствувањето на ПКК надвор од земјата и да ги изведе пред суд членовите на групацијата, рече синоќа Чавушоглу.
Тој посочи дека изминатиот период беа преземени серија операции во странство, кои доведоа до апсења на членовите на ПКК во Германија, Белгија и Франција и додаде дека ЕУ има исто така важна улога во операциите против ПКК во Европа.