Турскиот министер за надворешни работи Мевлут Чавушоглу денеска изјави дека планира во блиска иднина да разговара со неговиот руски колега Сергеј Лавров.
„Вчера во Москва се одржа состанок на министрите за одбрана на Турција и Сирија. Планирам да разговарам со (Сергеј) Лавров во блиска иднина“, изјави првиот турски дипломат.
Министрите за одбрана на Турција и Сирија Хулуси Акар и Али Мухамед Абас се сретнаа вчера во Москва за првпат по 11 години. Средбата беше во трипартитен формат со учество на рускиот министер за одбрана Сергеј Шојгу и одлучено да се продолжат контактите во тој формат.
Извор: МИА