Бурунди, мала централно-африканска република, ја признала независноста на Косово, пишува Koha.net, повикувајќи се на изјавата на косовскиот вицепремиер, Беџет Пацоли.
Според вицепремиерот и контроверзен косовски бизнисмен, тој ја добил вербалната нота за признавањето од министерот за надворешни работи на Бурунди, Лорен Кавакуре, во престолнината Бужумбуре.
Бурунди со население од девет милиони жители, е една од посиромашните земји во светот, а е членка на Организацијата на обединетите нации од 1962 година.
Косово ја прогласи својата независност на 17-ти февруари 2009 година, со едностран акт издвојувајќи се од Србија, во чиј состав беше дотогаш како покраина. Досега независност на Косово ја признаа повеќе од 90 држави.