Романската престолнина Букурешт е градот каде животниот век кај луѓето е многу намален како резултат на загадувањето на воздухот, покажуваат резултатите од истражувањето, во кое биле вклучени 25 европски градови.
Анкетата покажува дека загадувањето на воздухот претставува опасност за здравјето, што може да предизвика срцеви и белодробни заболувања и да биде причина за намалување на животниот век.
Истражувања, кои биле извршени во период од 15 години, покажале дека жителите на еден град, како што е на пример Париз, можат да загубат меѓу три и седум месеци од својот живот поради загадениот воздух. Во Букурешт, пак, намалувањето на животниот век е најголемо и може да достигне 22 месеца. Со анкетата биле опфатени 25 градови, од кои девет француски.
Густиот сообраќај го скратува животот на луѓето, бидејќи половина од азотните емисии во воздухот доаѓаат од него, а автомобилите, кои користат дизел гориво, се на прво место во овој однос.