Бугарски лекари се борат за животи на шест млади момчиња и девојки кои на забава во селото Падеш близу Благоевград конзумирале течност за перење шофершајбни, мислејќи дека пијат домашна ракија.
Според лекарите, нивната здравствена состојба е многу тешка и животите им се во опасност.
Групата млади лица испиле три литри течност за шофершајбни која ја мешале со сок од јагоди. Забавата била во понеделникот, но младите луѓе побарале помош синоќа кога почувствувале мачнини, вртоглавица и паднале во кома. Оштетени им се функциите на мозокот, бубрезите и други витални органи.