Бугарија е подготвена да ги издаде сите потребни дозволи за изградба на „Јужен поток“ како и да продолжи со реализација на проектот, изјави бугарскиот премиер Бојко Борисов, а пренесуваат дел од бугарските медиуми.
-Нашата земја треба да ги исполни своите обврски во поглед на подготвка за изградбата, посебно на морската делница на гасоводот и да ги издаде сите потребни дозволи, рече Бојко Борисов по консултациите со европските колеги на маргините на самитот на ЕУ, кој претходниот ден беше одржен во Брисел.
Според него, таков совет му дале колегите на самитот.
-Добив полна поддршка и разбирање од Европскиот совет во смисла дека Бугарија не треба да биде виновникот и да плаќа казни поради неговото стопирање, рече Борисов.
-На моето прашње за „Јужен поток“ ми беше кажано: „Исполнете ги меѓувладините договори за да избегнете судски процеси а подоцна и евентуалн казнени санкции“, пренесе Борисов.