Бугарски суд побара денеска три лица осомничени за тероризам, меѓу кои и едно 15-годишно момче, да и бидат предадени на Шпанија, јавија локалните медиуми.
Трите лица, еден Бразилец и двајца Мароканци, наводно тргнале да им се придружат на џихадисти во Сирија кога кон средината на минатиот месец се приведени на бугарско-турскиот граничен премин Капитан Андреево врз основа на меѓународна потерница.
При апсењето не беа објавени нивните имиња, но денеска суд во Хасково соопшти дека се работи за Кајке Гимараеш од Бразил и Мароканците Мохамед Ел Гарбиу и Таоуфику Мухучу. Сите тројца имаат постојан престој во Шпанија, и се на возраст од 15, 18 и 27 години.