Единаесет ученици од основно училиште од Подгорица завршија во службата за итна медицинска помош, поради труење со храна во будванскиот хотел Парк.
Едно од нив е префрлено во болница, во Подгорица и неговата здравствена состојба е стабилна.
Учениците кои биле во Будва на рекреативна настава се жалеле на стомачни проблеми.
Од надлежните институции и хотелот неведоа дека причината за труењето ќе се открие откако Институтот за јвно здравје ќе ги направи потребните анализи во кујната и објектот во кој се чувала храната.
Според директорката на училиштето Мирјана Башковиќ децата се добро и за нив се грижат воспитувачите и лекарите од агенцијата преку која е договорен аранжманот за настава во природа.
Во хотелот Парк претстојувале вкупно 250 ученици од второ, трето и четврто одделение. По инцидентот десетина родители си ги зеле децата дома.
Елена Георгиевска